COPGI-ren PARTE-HARTZEA BIDE-SEGURTASUN JARDUNALDIAN

COPGIk Europako 2024ko Mugikortasun Astearen barruan Donostian antolatutako Bide-Segurtasuneko Jardunaldian parte hartu du.

2024ko Europako Mugikortasunaren Astea zela eta, Donostiako Udalaren programazioaren barruan, Gipuzkoako PEOk bide-segurtasuneko jardunaldi bat antolatzen eta gauzatzen parte hartu zuen. Jardunaldi horren bidez, prestakuntza eta sentsibilizazioa eskaini zen, motorraren erabiltzaileei zuzenduta bereziki, hiriko segurtasunaren mezua indartuz.

Jardunaldian zehar, irailaren 21ean ospatutakoa, bi alderdi nagusi izan ziren: batetik, motorrean gidatzeko moduaz jabetzea, norberaren segurtasuna zaintzeko, eta, bestetik, mugikortasunari dagokionez ahulenak diren erabiltzaileena (oinezkoak eta txirrindulariak).

Horretarako, lau standez osatutako «zirkuitu» bat antolatu zen, hainbat erakundek antolatua, eta parte hartzen zuten pertsonak bertatik igaro ziren. Horietako bakoitzean balio desberdin bat aztertu edo trebatu zen, motorzaleen segurtasuna bermatzeko helburuarekin.

Lehenengo mahaia, COPGIk antolatua, Autotesteko mahaia izan zen. Bertan, parte-hartzaileek test baten bidez gidatzerakoan zuten jarrera ezagutu zuten, eta gidatze asertiboago eta prebentiboago baterako jarraibideak jaso zituzten. Era berean, gidarekiko jarrera enpatikoarekin eta asertiboarekin eta gidatze prebentiboarekin lotutako hainbat gida eta eduki jarri ziren bertaratuen eskura. Gainerako standetan, Gurutze Gorriak eta Donostiako Real Motoclub-ak antolatuta, bertaratutakoek prestakuntza jaso zuten, besteak beste, lehen sorospenetan istripuen kasuan, prebentziozko gidatzean eta motor bat prestatzean.

25 09, 24

« MOTORREKO BIDE-SEGURTASUNARI BURUZKO JARDUNALDIA OSPATUA "JARDUERA PRIBATUAREN HASIERAKO TAILERRA" »

Menua

COPGI-ren PARTE-HARTZEA BIDE-SEGURTASUN JARDUNALDIAN