Seme-alaben gurasoekiko indarkeriak interes akademiko eta sozial handia piztu du azken urteotan. Hori dela eta, Gipuzkoako PEOek urrian antolatu duen prestakuntzak gai horri heldu dio bi ikastaroren bidez.
Alde batetik, Fernando Álvarez Ramosek, Psikologia Juridikoan eta Auzitegiko Psikologian aditua eta Justizia Administrazioko Auzitegiko Psikologiako Elkarte Profesionaleko presidentea denak, “Evaluación psicológica de los problemas de contacto y dinámicas familiares de rechazo filio-parental” ikastaroa eman zuen. Prestakuntza espezializatu horretan, gatazka handiko familien (judizializatuak edo ez) ebaluazioan sakondu zen, espezializazio handiagoa behar duten arazo edo egoeretako batzuekin bat eginez, hala nola seme-alaben eta gurasoen arteko harreman-arazoekin eta seme-alaben eta gurasoen arteko erresistentzia- eta gaitzespen-dinamikekin.
Bestetik, Ismael Loinaz, Psikologian doktorea, irakaslea, Estatuko eta nazioarteko auzitegiko psikologiako masterretako prestatzailea eta Psikologia Juridiko eta Forentsearen Espainiako Elkarteko Psikologia Kriminaleko batzordekidea, "Abordaje de la violencia filio-parental" ikastaroa eskaini zuen. Identifikazioa eta arreta goiztiarra dira ondorio negatiboak prebenitzeko tresnarik onena, baita kasuak sistema judizialarekin lotzea ere. Horrenbestez, ikastaroan zehar, seme-alaben gurasoekiko indarkeria identifikatzea, ebaluatzea, banakako eta familiako aldagaiak eta arrisku-faktoreak ezagutzea eta arreta emateko eta esku hartzeko bide posibleak ezagutzea landu zen.
25
10, 23
